कम्प्युटर आणि लॅपटॉप बनवणाऱ्या डेल इंडियाने भारतीय बाजारात नवीन गेमिंग लॅपटॉप एलिनवेअर एरिया ५१एम, एलिनवेअर एम१५ आणि डेल जी७ लाँच करण्याची घोषणा केली आहे. या सर्व लॅपटॉपची किंमत ३ लाखांच्या आसपास आहे.
डेलचे एलिवेअर, गेमिंग आणि एक्सपीएसचे उपाध्यक्ष फ्रेंक एजोर यांनी ही घोषणा केली. एलिनवेअर ५१ एमला डेस्कटॉपचा फील येईल, असे डिझाईन केल्याची माहिती एजोर यांनी दिली. या लॅपटॉपमध्ये खूप नवीन फीचर्स देण्यात आले असून जगातील कोणत्याही लॅपटॉपमध्ये हे फीचर्स नसतील असे आहे, असेही ते म्हणाले. यात ८ कोर डेस्कटॉप प्रोसेसर आहे. १७ इंचाचा स्क्रीन असलेल्या या लॅपटॉपचे वजन ४ किलोग्रॅम इतके आहे. याची किंमत २ लाख ९९ हजार ५९० रुपये इतकी आहे.
एलिनवेअर एम १५ या लॅपटॉपची स्क्रीन १५ इंचाची आहे. एलिनवेअर १३ च्या तुलनेत याचे वजन अर्धे म्हणजे २.१६ किलो इतके झाले आहे. यात इंटेल कोर आय७ प्रोसेसी ग्रॅफिक्स डिझाइन कार्ड आहे. याची किंमत १ लाख ७८ हजार ३९९ रुपये इतकी आहे. हे दोन्ही लॅपटॉप विक्रीसाठी वेबसाइटवर उपलब्ध करण्यात आले आहेत. कंपनीने या दोन लॅपटॉपसह जी सीरिजचा गेमिंगग लॅपटॉप जी ७ लॅपटॉप लाँच केला आहे. हा जी सीरिजचा सर्वात स्लीम गेमिंग लॅपटॉप आहे. यात ६ जीबी जीडीडीआर६ व्हिडिओ मेमरी आहे. याचा स्क्रीन १५ इंचाचा आहे. हा लॅपटॉप १ एप्रिलपासून विक्रीसाठी उपलब्ध होणार आहे. याची किंमत १ लाख ५७ हजार ३९९ रुपये इतकी आहे.
