मोहम्मद रिझवान (79*) आणि बाबर आजम (70) यांच्या दमदार खेळीच्या जोरावर पाकिस्तानने (Pakistan) मंगळवारी आयसीसी टी-20 विश्वचषकच्या (T20 World Cup) सुपर 12 फेरीत नामिबियाचा (Namibia0 45 धावांनी पराभव केला. स्पर्धेत सलग चौथ्या विजयासह पाकिस्तानने टी-20 विश्वचषक 2021 च्या उपांत्य फेरीत दिमाखदार एन्ट्री घेतली आहे. अबु धाबीमध्ये (Abu Dhabi) पहिले फलंदाजी करताना पाकिस्तानने 20 षटकांत 2 बाद 189 धावांचा डोंगर उभारला. प्रत्युत्तरात नामिबिया 20 षटकांत 5 गडी गमावून 144 धावाच शकला.
