मुंबई: वेगळ्या धाटणीचे चित्रपट करणारा अभिनेता अशी आयुषमान खुरानाची ख्याती आहे. गेल्या तीन वर्षांत त्याचे सलग पाच चित्रपट सुपरहिट ठरले आहेत. त्यामुळं ‘ड्रीम गर्ल’ सुद्धा चाहत्यांना मोठी अपेक्षा होती. ती पूर्ण झाल्याचं सध्या तरी दिसत आहे. प्रेक्षकांबरोबरच समीक्षकांनीही या चित्रपटाचं कौतुक केलं आहे. पहिल्या दिवशी साडेनऊ कोटींची कमाई केली आहे.
मुंबई आणि गुजरातच्या तुलनेत दिल्ली व आसपासच्या भागात या चित्रपटाला चांगला प्रतिसाद मिळत आहे. राज शांडिल्य दिग्दर्शित या चित्रपटात आयुषमानसह नुसरत भरुचा, अन्नू कपूर, विजय राज, अभिषेक बॅनर्जी, मनजोत सिंग, निधी बिश्त, राजेश शर्मा, राज भन्साळी हे कलाकार आहेत.
चित्रपटाला प्रेक्षकांचा चांगला प्रतिसाद मिळाला आहे. पहिल्याच दिवशी या चित्रपटानं तब्बल ९.५० कोटी रुपयांची कमाई केली आहे.
