कॅनडातील इतिहासाच्या पाऊलखुणा शोधताना
काही इतिहासकारांच्या मते कॅनडाचा इतिहास हा 30 हजार वर्षापासूनचा असल्याचा दावा करीत आहेत. त्यासाठी ते अश्मयुगीन युगापासून दाखले देतात. येथे कॅनडाच्या इतिहासाचे प्राचीनत्व थोडे बाजूलाच ठेवून कॅनडाचा आधुनिक इतिहास मात्र 1535 पासून निर्विवाद पणे सुरू होतो यात काहीच शंका नाही. सध्याचे जे क्यूबेक बदंर आहे ते फ्रेंच नागरिक जॅक कार्टीयरने क्यूबेक यानी बांधले आणि त्याचेच नाव या बंदराला देण्यात आले. राष्ट्रप्रुमख म्हणून वर्चस्व कोणाचे?धर्म संस्थेचे कि राजसत्तेचं या झगड्यात धर्म संस्थाचे जोखड बाजूला करण्यात राजसंस्थेला यश आले.तत्पूर्वीच या वादाला दोन्ही यंत्रणेतील दमनपध्यतीला कंटाळून गेलेले काहीनी नवनवीन अपरिचित भूखंडाचा शोध घेणे त्यावर आपले स्वामित्व प्रस्थापित करणे सुरू झाले.
मनोरंजनाची अनेक सुविधा निर्माण करण्यात आल्या. ओटारियाची राजधानी असलेल्या टोरांटो येथील तलावावर नयनरम्य बेट तयार करून एका अद्ययावत, अद्भुत सेंट्रल पार्कची निर्मीती करण्यात आली आहे.त्याला दररोज हजारोंच्या संख्येने पर्यटक भेटी देत असतात. एक लक्झरी फेरी बोट या पार्क वर घेऊन जाते आणि तेथील स्वर्गीय आनंदाचा लयलूट करतात.या पार्क विषयी स्वतंत्र लेखच लिहावा लागेल. याचबरोबर बिग बेअर लेक आणि जगप्रसिद्ध नायगारा लेक कॅनडाच्या बाजूने पर्यटकांना विस्मतित आनंद देत असतो त्याच्यापुढेच असलेला नायगारा व्हिलेज तेथील ग्रामीण भागातील रचना कशी असते याची कल्पना देते.तेथील आईस्क्रिम व्हरायटीज हा एक विलक्षण अनुभव असतो.
आता कॅनडीयन संस्कृतीवर अमेरिकेन संस्कृतीचा प्रभाव पडलेला दिसत असलातरी कॅनडाने आपली संस्कृती जपली आहे.संगीत जगतातले आंतरराष्ट्रीय किर्तीचे आर्केस्ट्रे त्यात क्यूबेक, टोरांटो,माॅन्टरियल सिंफनीचा आर्वजून उल्लेख करावाच लागतो.अशा या शांतताप्रिय कॅनडात जगभरातील नागरिक आर्कषित होत आहेत. एक वेगळीच अनुभूती मिळते.
डाॅ.भास्कर धाटावकर, निवृत्त पुराभिलेख संचालक, महाराष्ट्र शासन.
