मित्रहो आपण डॉ भास्कर धाटावकर यांच्या नजरेतून मागील बावीस भागातून कॅनडाची सफर अनुभवली. प्रत्येक भाग वाचताना आपण जणु स्वतः कॅनडाची सफर करीत आहोत असा अनुभव येत होता. प्रत्यक्ष कॅनडात नसताना देखील प्रत्येक क्षण जसाचा तसा आपल्या डोळ्या समोर येत होता आणि आपणच कॅनडात असल्याची अनुभूती येत होती. डॉ भास्कर धाटावकर यांच्या लेखणीची ताकतच म्हणावी लागेल ज्यामुळे आपण कॅनडा देशाची सफर अनुभवली. आता तेच डॉ भास्कर धाटावकर तुमच्यासाठी घेवून आलेत सफर शिकागोची. चला तर मग सुरु करुया सफर शीकागोची डॉ भास्कर धाटावकर यांच्या नजरेतून. . .
शिकागो , आभाळाशी स्पर्धा करणार्यां इमारतींचे शहर
शिकागो शहर हे अमेरिकेच्या इलिनाॅय राज्यातील सर्वात मोठे व अमेरिकेतील तिसऱ्या क्रमांकाचे सर्वाधिक लोकसंख्येचे शहर आहे.
शिकागो हे गगनचुंबी इमारती निर्मीतीचे जन्मगाव किंवा पाठशाळा समजली जाते.
आभाळाशी स्पर्धा करणार्यां इमारती येथे बांधण्याची सुरुवात येथेच झाली.*डॅनियल बॅनहॅमने* मिशीगण लेकचा सुशोभीकरण सुरू केले आणि त्याच्या आराखड्यानुसार जगप्रसिध्द शोअर ड्राईव्ह निर्माण झाले, तद्नंतर मग शिकागोतील उचंच उचं इमारती बांधण्याचा सिलसिला सुरू झाला. याच थोर वास्तुविशारदाने न्यूयॉर्क शहराला घडविले,नटविले,सजविले. त्याबाबत काय आणि किती लिहावे तितके थोडेच!डाॅनियलचे एक वाक्य येथे देऊ इच्छितो, तो म्हणत असे *माणसाने लहान स्वप्ने पाहूच नयेत ती नेहमी मोठ मोठालीच पाहावीत* यांनी शिकागो नगरी मनापासून सजविली.
येथे शिकागो पार्क डिस्ट्रिक्ट ची स्थापना 1920 साली झाली. एका पार्कसाठी 8000 हजार एकरची व्याप्ती त्यात 580 बगीचे आहेत. मनोरंजनाच्या, खेळाच्या, विश्रांती,स्वच्छतागृहे सर्व काही उपलब्ध आहेत. मोकळ्या जागे बाबतची श्रीमंती आपल्या लक्षात येईल.
(क्रमश:) डाॅ.भास्कर धाटावकर, निवृत्त पुराभिलेख संचालक, महाराष्ट्र शासन
