ऑलिम्पिक स्पर्धेत पहिल्यांदाच उपांत्य फेरी गाठणाऱ्या भारतीय महिला हॉकी संघाला अर्जेंटिनाविरुद्ध पराभवाला सामोरं जावं लागलं. अर्जेंटिनाने हा सामना 2-1ने जिंकत दिमाखात अंतिम फेरी गाठली.
भारतीय संघ अर्जेंटिनाच्या आक्रमणासमोर हताश ठरल्याचं चित्र दिसलं. कांस्यपदकासाठी भारतीय संघाचा आता ब्रिटनशी मुकाबला होणार आहे.
भारतीय पुरुष संघाला उपांत्य फेरीत पराभवाचा सामना करावा लागला. पुरुष संघ जो टप्पा ओलांडण्यात अपयशी ठरलं तो टप्पा ओलांडण्यासाठी महिला संघ आतूर होता.
भारतीय महिला संघ केवळ तिसऱ्यांदा ऑलिम्पिक स्पर्धेसाठी पात्र ठरला आहे. 1980 मध्ये मॉस्को इथे झालेल्या ऑलिम्पिक स्पर्धेत भारतीय महिला संघ पहिल्यांदा क्रीडाविश्वातल्या या सर्वोच्च स्पर्धेसाठी पात्र ठरला.
