इंग्लंड क्रिकेट बोर्डाने (England and Wales Cricekt Board) 2021 व्यस्त होम सीझनची घोषणा केली. भारतीय क्रिकेट संघ (Indian Cricket Team) पुढील वर्षी इंग्लंडचा दौरा करणार असल्याची इंग्लंड आणि वेल्स क्रिकेट बोर्डाने (ECB) पुष्टी केली. ही मालिका श्रीलंकेविरुद्ध एकदिवसीय सामन्यांनंतर खेळली जाईल. विराट कोहलीच्या नेतृत्वात भारतीय संघाने अखेर 2018मध्ये इंग्लंड दौरा केला होता, ज्यात यजमान संघाने 4-1 अशी मालिकेत बाजी मारली. ऑस्ट्रेलियामधून परतल्यानंतर भारत दोन महिन्यांच्या या मालिकेसाठी इंग्लंडचे यजमानपद भूषवेल. या मालिकेत चार कसोटी, चार वनडे आणि चार टी-20 सामन्यांचा समावेश आहे.
भारताविरुद्ध पाच कसोटी सामने ट्रेंट ब्रिज, लॉर्ड्स, हेडिंगले, किआ ओव्हल आणि ओल्ड ट्रॅफर्ड येथे खेळले जाणार जातील. पहिला सामना 4 ते 8 ऑगस्ट दरम्यान खेळला जाईल, तर अंतिम सामना 10 ते 14 सप्टेंबर रोजी आयोजित केला जाईल. यापूर्वी, इंग्लंड संघ फेब्रुवारी-मार्च 2021 मध्ये कसोटी मालिकेसाठी भारताच्या दौर्यावर येणार आहेत.
पहिली टेस्ट, ट्रेंट ब्रिज (4-8 ऑगस्ट)
दुसरी टेस्ट, लॉर्ड्स (12-16 ऑगस्ट)
तिसरी टेस्ट, हेडिंगले (25-29 ऑगस्ट)
चौथी टेस्ट, किआ ओव्हल (2-6 सप्टेंबर)
पाचवी टेस्ट, ओल्ड ट्रॅफर्ड (10-15 सप्टेंबर).
दुसरीकडे, इंग्लंड पुरुष संघ तब्बल 16 वर्षानंतर पहिल्यांदा पाकिस्तानचा दौरा करणार आहे. 2021 ऑक्टोबर महिन्यात इंग्लंड संघ पाकिस्तानला रवाना होईल. 2021 ऑक्टोबर महिन्यात इंग्लंड संघ पाकिस्तानला रवाना होईल. गेल्या महिन्यात जानेवारी 2021 मध्ये पाकिस्तान क्रिकेट बोर्डाने (पीसीबी) अल्प दौर्यासाठी आमंत्रण दिल्यानंतर इंग्लंड अँड वेल्स क्रिकेट बोर्डाने (ईसीबी) मंगळवारी 2021 दौर्याची पुष्टी केली.
