समाज कल्याण तसेच महिला व बाल कल्याण विभागामार्फत राबविण्यात येणाऱ्या विविध योजनांचा इच्छुकांनी लाभ घ्यावा
अलिबाग,दि.23 (जिमाका):- रायगड जिल्हा परिषदेच्या समाज कल्याण तसेच महिला व बाल कल्याण विभागांमार्फत सन 2022-2023 या वर्षाकरिता विविध योजना राबविण्यात येतात. इच्छुक व पात्र ग्रामीण भागातील महिला बचतगट, महिला भजनी मंडळ, पात्र मुली व महिलांना तसेच समाज कल्याण विभागामार्फत मागासवर्गीय बचतगटांनी संबंधित तालुक्याचे गटविकास अधिकारी / बाल विकास प्रकल्प अधिकारी यांच्यामार्फत अर्ज सादर करण्याबाबत रायगड जिल्हा परिषदेमार्फत आवाहन करण्यात आले आहे.
*योजनेचे नाव:-*
1) महिला भजनी मंडळांना भजनाचे साहित्य पुरविणे, *या योजनेकरिता पात्रता:-* ग्रामीण भागातील भजनी मंडळ असावे,
2) महिला बचतगटांना पापड मशिन पुरविणे,
3) महिला बचतगटांना दळन मशिन पुरविणे,
4) महिला बचतगटांना टेबल, खुर्ची, लोखंडी कपाट पुरविणे,
5) महिला बचतगटांना सतरंजी पुरविणे, *या योजनांकरिता पात्रता:-* ग्रामीण भागातील महिला बचतगट असावा,
6) इयत्ता 5वी ते 12 वी पर्यंत शाळेत जाणाऱ्या मुलींना सायकल पुरविणे,
7) महिलांना साहित्य पुरविणे (शिलाई मशिन/पिको फॉल मशिन/ॲमरेडी मशिन (नक्षीकाम))
*या योजनांकरिता पात्रता:-* ग्रामीण भागातील मुलींना व महिलांच्या वैयक्तिक लाभाच्या योजना,
*अर्ज कोणामार्फत सादर करावा:-* बाल विकास प्रकल्प अधिकारी, एकात्मिक बाल विकास सेवा योजना,
*अर्ज सादर करण्याची शेवटची तारीख:-* दि.15 ऑक्टोबर 2022.
*योजनेचे नाव:-*
1) मागासवर्गीय वस्तीत व वस्तीवर जाणाऱ्या सौर ऊर्जा प्रकार योजना
2) मागासवर्गीयांसाठी अनुदानित वसतिगृहांना सोयी सुविधा पुरविणे (सतरंजी व चादरी पुरविणे),
3) मागासवर्गीय वस्तीतील समाजमंदिरास खुर्ची पुरविणे,
4) मागासवर्गीयांना समाजमंदिरास सतरंजी पुरविणे,
5) मागासवर्गीयांच्या व्यायामशाळांना साहित्य पुरविणे,
6) सामूहिक व्यवसायासाठी मंडपाचे साहित्य पुरविणे
7) संगणक/शिलाई मशिन/ड्रायव्हींग/बांबू फर्निचर प्रशिक्षणासाठी सहाय्यक अनुदान,
8) महाविद्यालयीन विद्यार्थ्यांना लॅपटॉप पुरविणे,
9) मागासवर्गीय युवकांना वेल्डिंग कामासाठी मशिन पुरविणे,
*अर्ज कोणामार्फत सादर करावा:-* पंचायत समिती गटविकास अधिकारी, *अर्ज सादर करण्याची शेवटची तारीख:-* दि.15 ऑक्टोबर 2022.
इच्छुकांनी या योजनांचा लाभ घेण्याकरिता दि.15 ऑक्टोबर 2022 पर्यंत आपले अर्ज सादर करावेत, असे आवाहन मुख्य कार्यकारी अधिकारी डॉ.किरण पाटील व उपमुख्य कार्यकारी अधिकारी (बालकल्याण) तथा जिल्हा परिषदेचे प्रभारी समाजकल्याण अधिकारी नितिन मंडलिक यांनी केले आहे.
